තවත් එක රැපක් පමණක් ම නොවේ! | 5% for sl-charity

in hive-133716 •  8 months ago  (edited)
සිංහලෙන් steamit post එකක් දාන්න මගේ අදහසක් තිබුනේ නැතත් මේකේ අර්ථය හොඳින් හිත් වලට වදින විදියට ලියන්න ඕනි කියල හිතුණු නිසා මෙහෙම පටන් ගන්නම්. අද මම කියන්න යන්නේ එක්තරා විදියක ගීත විචාරයක්.හැබැයි ඔයාලා එදිනෙදා දකින විදියේ සාම්ප්‍රදායක ගීත විචාරයක් නෙවෙයි මේක. මේක රැප් විචාරයක්.🙊

Untitled design (3).png

රැප් විචාරයක් කිව්වගමන් සමහරවිට ඔයාලට හිනා යන්නත් ඇති. ඒ මොකද ඇත්තටම මේකෑගහලා කියන කුණුහරුප වල මොනවා විචාරයක් කරන්න ද කියලා ඔයාලත් කල්පනා කරන්න ඇති.

රැප්; රැප් කියන්නේ ලංකාවේ තරුණ පරපුර (බොහෝමයක් ගත්තොත් 2000න් පස්සෙ සෙට් එක) අතර තරමක් ජනප්‍රිය ගීත ශානරයක් (Genre). අපි දන්න රැප් කලාව කියන්නේ සාමාන්‍යයෙන් රිද්මයානුකූල කථනයක්.ඒ කියන්නේ ගීතයක් වගේම තමයි.නමුත් ඒක තුළ ගැබ්වෙලා තියෙන රිද්මය හා වචන මාලා ටිකක් වේගවත්. මේ රැප් කලාව බටහිර අප්‍රිකානු රටවල තමා මුල් කාලයේ බොහෝ ප්‍රචලිත වෙලා තිබුනේ. නමුත් කාලයාගේ ඇවෑමෙන් අද එය මුළුමහත් මහත් ලෝකය තුළම ප්‍රචලිත ගීත ශානරයක් බවට පත්වෙලා හමාරයි.

වරක් ජැක්සන් ඇන්තනී මහතා මෙහෙම කියනව. "රැප් කියන්නේ අපිට අලුත් දෙයක් නෙවෙයි. අපේ මුතුන් මිත්තො ඒ කාලේ කාලෙත් රැප් කිව්වා ඒවාට තමා සව්දම් කියන්නේ". මේ විදියට ගත්තොත් රැප් කියන්නේ අපේ ලේ වලම තියෙන දෙයක් වගේ නේද. කෙසේ වෙතත් අද කාලේ රැප් කියලා මේ තරුණ පරපුර අහන නිර්මාණ ගත්තම නම් ඒවායේ කිසිම හරයක් නෑ කියලා තමයි හිතෙන්නේ.

පෞද්ගලිකව ගත්තොත් මම සංගීතයට බොහෝ සෙයින් ඇලුම් කරන කෙනෙක්. මම ගීත නිර්මාණයක් රස විඳීමේ දී පූර්ව නිගමනවලට එළැඹෙන්නේ නෑ. ඒ මොකද කියනවා නම් මං හිතන විදියට හොඳ නිර්මාණ හෝ නරක නිර්මාණ කියලා දෙකක් නෑ. කෙනෙක්ට හොඳ නිර්මාණයක් තවත් කෙනෙක්ට නරක වෙන්නත් පුළුවන්. ඒක අපි ඒ ගීතය රස විඳින වෙලාව, ඒ වෙලාවේදී අපේ හිතේ තියෙන හැඟීම් එක්ක විචලනය වෙන්න පුළුවන් දෙයක්. මල් සින්දු, බස් සින්දු, රැප් ;මේ කියන ඕනිම නරක දෙයක අපිට මොනම හරි හොඳක් දකින්න පුළුවන්.

unnamed (1).jpg
Source

අද මං මේ කියන්න යන රැප් එකත් ඒ වගේ එකක්. Ravi Jay කියන්නේ ලංකාවේ මං ආදරය කරන නියම කලාකරුවෙක්.නිහතමානි මනුෂ්‍යයෙක්. ඔහු වෘත්තියෙන් graphic designer කෙනෙක්. නමුත් තරුණ පරපුර ඉතාමත් ආදරයෙන් වැලඳගත්ත රැප් බොහෝමයක් බිහිවෙන්නේ මෙන්න මේ කියන graphic designer අතින් ම තමයි. හරියටම කියනවා නම් ඔහු All Rounder කෙනෙක්.❤

කුණුහරුප, බොල් වචන, ප්‍රවේගකාරී අදහස් වලින් ජරා ජරාජීර්ණ වෙලා තිබුණු ලංකාවේ රැප් කලාවට නව පණක් දෙන්න Ravi Jay ඇතුළු තවත් රැපර්ස්ලා ගොඩක් වෙහෙස මහන්සි වුණා.

අපි ගොඩක් අය දන්න සංයෝගයක් තමයි Ravi Jay,චරිත, චන්ද්‍රසේන තලන්ගම කියන්නේ. මම මේ කියන්න යන ගීතයත් මේ ත්‍රිසංයෝගය අතින් නිමැවුණු ඉතාමත් අපූරු නිර්මාණයක්. මං මේකේ ගීතය ගැන විචාරයක් කරන්න බලාපොරොත්තු වෙන්නේ නෑ . මොකද කියනවනම් චන්ද්‍රසේන තලන්ගම කියන්නේ ඉතාමත් ශ්‍රේෂ්ඨ කලාකරුවෙක්. ඔහුගේ නිර්මාණ කොහොමත් සමාජයේ පිළිගැනීමකට ලක් වෙනවා. මං කියන්න යන්නේ මේ ගීතයේ එන විචාරකයන්ගේ ඇසට අසු නො වුණු රැප් එක ගැන.

මට මේ ගීතය ගැන ලොකුම උනන්දුවක් එන්නේ පොඩි Batch එකට අපි තියපු "Civil Nite" එකේ මට මේ ගීතය ගායනා කරන්න කියලා ආරාධනාවක් ආපු වෙලාවේ. මම සාමාන්‍යයෙන් ඉද්දි රැප් එහෙම කියන නිසා මේ ගීතය සිවිල් නයිට් එකේ කියන්න කියලා යෝජනාවක් ආවා. ඊට පස්සේ තමා මං මේකෙ තේරුම කල්පනා කරන්න ගත්තේ. ඒ මොකද මං මේක වේදිකාවක් උඩ කියනවා කියන්නේ ඊට කලින් මං මේකෙ තේරුම දැනගෙන ඉන්න ඕන කියන එකයි.

artworks-000250602697-7gcpl2-t500x500.jpg
Source

Original Song

"♪ ලෞකික සැප කාලය කා දැමීමක් නිබ්බාණෙට පිවිසෙන්න
පංචස්කන්ධයක අස්ථිර ගතිය මෙනෙහි මෙනෙහි
මං තපසෙක්ම විය නුඹ දකින්න පෙර
ඔයාගෙ ළපටි තඹර දෙකොපුල
තුහින වැටි දිලිසෙයි ඝණ අඳුර මත‍
ඇසට නොපෙනෙ පර්යාන්තෙක
සුන්දර බව විදපු මට ඔයාගෙ රුව දැක
බිඳුනා මගෙ සමවැදි සිටිදැහැන මෙතුකලක්
කැළඹිලා සම්මාදිට්ඨිය අද මගෙ නතරවෙලා ඔයාගෙ නෙතුමුල
මගෙ හේතුඵල ගොලුවෙලා අන්ධව අතරමග කිමද
ඝන්ද කුටියෙන් හිමිට බැස ශීලය පසෙක දමා
වින්දා නැසෙන රූපයක සොබා
එතෙරවෙන්න මං ගිය සසරමග පෙරට
ඔයා ඇවිත් අද තෘෂ්ණාවක් වෙලා♪ "

සංක්ෂිප්තයක් විදිහට ගත්තොත් මේකෙ අන්තර්ගත වෙලා තියෙන්නේ බෞද්ධ දෘෂ්ටිය. බෞද්ධ දර්ශනයට අනුව අපි මේ විදින ලෝකෝත්තර සැප කියන්නෙ නිසැකවම අපේ භව කතර දික් කර ගැනීමක්. අපි ලෞකික සැප විඳින සෑම මොහොතකම අපි ප්‍රමාද වෙනවා,ඒ කියන්නේ සරලවම කිව්වොත් අපි කාලය කා දමනවා. ඉතින් මේ දිරන කුණු කයෙහි අස්ථිර බව මෙනෙහි කර කර තාපසයෙක් විදියට ඒවායෙන් මිදෙන්න හිතන් ඉන්න තරුණයාට හමුවන මේ ස්ත්‍රිය නිසා ඔහු රාගයෙන් මත් වෙනවා.

ළපටි, තඹරවන් දෙකොපුලක් ගන අන්ධකාරයක පින්නෙන් තෙත්වෙලා දිලිසෙනවා කියන්නේ මේ දෙදෙනා රාත්‍රියක කවුරුත් නැති පාළු පෙතක එක් වෙලා කියලා අපිට හිතන්න පුළුවන්. රැප් එකක උනත් මේ සිදුවීම හරිම සදාචාරාත්මකව අපූරුවට ගලපලා තියෙනවා. බුදුරදුන් වදාළ ධර්මයට අනුව රාග ගින්න කියන්නේ මිදෙන්න ඉතාමත් අසීරු චෛතසිකයක්. රාගයෙන් වෙලුණු තැන ගින්නක්මයි. ඉතින් අපේ කතාවේ එන තරුණයාත් ඇසට නොපෙනෙන සමාධියකට ඇවිල්ලා මේ අස්ථිර දිවිය තේරුම් ගන්නට වෙර දරුවා පමණයි මේ කාන්තා රූපයේ සුන්දරත්වයට වහවැටිලා ඔහුගේ මනස යළි ව්‍යාකූල වෙනවා. සම්මා දිට්ඨිය නැති වෙලා ගිහින් රාග ගින්නෙන් ඔහු දවා ගන්නවා. ඉතින් ඔහු ගන්ධ කුටියෙන් එළියට බැහැලා තම සීලය අත ඇරලා සසර මග එතෙර වෙන්න ගිය ගමනට තාවකාලික සමුදීමක් තියෙනවා. එතෙක් කල් සිල් සුවය විඳපු ඔහුට හමු වුණු මේ ස්ත්‍රිය කෙරේ ඇති ඇතිවුණු තෘෂ්ණාව නිසා සසර ගමන තවත් දික් කර ගන්නවා.

ඔන්න ඔය විදියට තමයි තරමක් සංකීර්ණ රාගය හා ස්ත්‍රිය ගැන කෙරෙන ධාර්මික විග්‍රහයක් අවසන් වෙන්නේ .

ඔබත් ඇත්තටම හිතනවා ඇති මේ තරම් ගම්භීර ධර්ම කාරණා කොහොමද රැප් එකක් ඇතුලට ගැබ් කළේ කියලා. ඒ තමයි රවී ravi jay ගෙ විශේෂත්වය.මේක ඔහුගේ තවත් එක් රැප් එකක් පමණයි. තව ගොඩක් සාකච්ඡාවට බඳුන් කළ හැකි සාහිත්‍යමය වටිනාකමක් තියෙන රැප් රාශියක් ඔහු සතුයි. ඉදිරියේදී තවත් රැප් විචාරයකින් හමුවන බලාපොරොත්තුවෙන් මම මෙතනින් නවතින්නම්.🥰

මේ පහලින් තියෙන්නේ මං මේ ගීතය ගායනා කරපු අවස්ථාවක්. සම්පූර්ණ Video එක නම් නෑ. පොඩි පොඩි අවුල් ඇති ගණන් ගන්න එපා.😜

නවතින්න පෙර අවසාන වශයෙන් කියන්න තියෙන්නේ ඕනෑම දෙයක් දිහා අපි බලන කෝණය වෙනස් කළොත් , එහෙමත් නැත්නම් අපි පලඳන් ඉන්න පාට කන්නාඩි ඉවත් කරලා බැලුවොත් අපිට ඒ සෑම දෙයකම හොඳක් දකින්න පුළුවන්. අනිත් දේවල් වෙනස් කරන්න අපිට අමාරුයි. ඒත් අපි ඒ දේවල් ගැන හිතන විදිය වෙනස් කරන්න හරිම ලේසියි . හැම නරකක ම හොඳක් දකින්න. මේ corona කාලය ගැන වුණත් හිතන්න තියෙන්නෙ ඒ විදියට.😇

පරිස්සමට ඉන්න!

ජය වේවා!

5th annual music video convention (1).png

Authors get paid when people like you upvote their post.
If you enjoyed what you read here, create your account today and start earning FREE STEEM!
Sort Order:  

සිංහල රැප් ගැන ලියන්න ගත්තොත් පිටු ගණන් පිරෙන්න ලියන්න දේවල් තියෙනවා... මට මතක නෑ මම අහපු පළවෙනි රැප් එක මොකක්ද කියලා.. හැබැයි මට ඉස්සෙල්ලම හිතට වැදුනු රැප් එක තමා Drill Team - Deviyange Bare. ඒ කියන්නේ 2014 ඉදන් තමයි රැප් හොදටම අහන්න පටන් ගත්තේ..එතන ඉදන් ඇහුවේ drill team ලගේ රැප්ම තමා. ඒ විදිහට Drill Team රැප් පිස්සන්ට ලැබුනු හොදම තැග්ග තමයි "නරා සංදේශය" ඇල්බම් එක. 🔥 හැබැයි එකම අවුල දැන් Drill Team එක නිතරම පේන්න නැති එක.

බුදුන් දැක නිවන් දකින්න මේ සසරින්
දැක්ක පමණින් යන්නෙ කෙසේද නිවන් සැනෙකින්
සැප රථයෙන් ඇවිත් අතහැරිම ගැන දෙසුවේ
බණ අපෙ සාදු නිවන් දුර නිසා ද
(Rahath Himiwarun)

Ravi Jay ගේ මම ආසම රැප් එක තියෙන සින්දුව මේක. මේ කාලයේ ගැඹුරු තේරුමක් තියෙන රැප් ලියන අයගෙන් උඩින්ම ඉන්නේ Ravi Jay තමා.

ඒ උනාට මේ කාලයේ මම ආසම සිංහල rapper තමා OOSeven. එයාගේ ලගදි දාපු KNOCKOUT ඇල්බම් එක ලොකු Hit එකක් උනා. OOSEVEN ට මම කැමති උනේ, තෙවෙනි මානය ඇල්බම් එකෙන්. ඒකට මං කොච්චර පිස්සු වැටුනද කියනවනම් මට ඒ ඇල්බම් එකේ T-Shirt එකත් තියෙනවා.

IMG_20210612_175218.jpg

(කමෙන්ට් එක පොස්ට් එකක් වගේ දික් උනාට සමාවෙන්න. රැප් වලට තියෙන උනට ලියවෙලා ගොඩක්)😅

ආ තව එකක් අමතක උනා Shan Putha ගේ රැප් වලටත් ඒ වගේම කැමතියි...🙉

මට ඒ ඇල්බම් එකේ T-Shirt එකත් තියෙනවා.

Dieheart fan කෙනෙක් තමයි ඉතින්.😍
තේරුම ගැන අවබෝධයෙන් රැප් අහන කොල්ලෙක් set වෙච්ච එකට පට්ටම සතුටුයි.

Ravi Jay ගේ මම ආසම රැප් එක තියෙන සින්දුව මේක. මේ කාලයේ ගැඹුරු තේරුමක් තියෙන රැප් ලියන අයගෙන් උඩින්ම ඉන්නේ Ravi Jay තමා.

අනිවා. ඒ වගේමයි රූප රචනයත් ඒකටම ගැලපෙන්න හදනවා.

මං ලියන්න හිතන් ඉන්න රැප් අතරේ රහත් හිමිවරුන් උඩින්ම තියෙනවා. ඒක ගැන රවි සහ චරිත දෙන අර්ථකථනයත් හරිම අපූරුයි. ඒ දෙන්නත් ඉන්නෙ මත දෙකක.අද කාලයේ බුදු දහම විකෘති කරන චීවරධාරීන් ගැන හරියටම කියලා තියෙනවා.

(කමෙන්ට් එක පොස්ට් එකක් වගේ දික් උනාට සමාවෙන්න. රැප් වලට තියෙන උනට ලියවෙලා ගොඩක්)😅

ඒකෙන්ම පේනව රැප් වලට ඔයාගෙ තියෙන ඇල්ම. 😍මගේ Article එක කියවලා අවංකව හිතේ තියෙන අදහස් කිව්වාට ස්තුතියි.

(ප.ලි: මගේ Reply එකත් post එකක් වගේ දික් උනා.🙊😂)

  ·  8 months ago (edited)

මං ලියන්න හිතන් ඉන්න රැප් අතරේ රහත් හිමිවරුන් උඩින්ම තියෙනවා.

ඒක ගැන ලියනකන් බලාගෙන ඉන්නවා 💪

ඒකෙන්ම පේනව රැප් වලට ඔයාගෙ තියෙන ඇල්ම. 😍මගේ Article එක කියවලා අවංකව හිතේ තියෙන අදහස් කිව්වාට ස්තුතියි.

තව ලියන්න දේවල් නම් ගොඩක් මතක් වෙනවා..මාත් රැප් පොස්ට් එකකින්ම එන්නම් 🤭

තව ලියන්න දේවල් නම් ගොඩක් මතක් වෙනවා..මාත් රැප් පොස්ට් එකකින්ම එන්නම් 🤭

ඒක මරු.😍 මට පේන හැටියට ඔයා තමයි ඒක ගැන ලියන්න සුදුසුම කෙනා.

බලමු එහෙනම් දවසක 😉🤘

🤘සුපිරියක් ම දෙන්න 💪

හැබැයි එකම අවුල දැන් Drill Team එක නිතරම පේන්න නැති එක.

දැන් දෙසැම්බර් 26 track දෙන්නෙත් නෑ. Loco ගෙනම් සෝලෝ එකක් එන්න තීනව.ටීම් එකක් හැටියට කවද එයිද මන්ද.

ඔව් එයාල දැන් ටිකක් වෙන්වෙලා තමයි ඉන්නේ. centigratez ලාට උන දේ වෙයිද දන්නෙ නෑ

ඕකෙ රැප් එකට් ෆට්ට.. රහත් හිමිවරුන් එකේ එකත් ෆට්ට. ඒක තමයි හොඳම එක. Ravi Jay නිසා තමයි මටත් රැප් අහන්න හිතුනේ. මේ දවස් වල නම් හුඟක් ඇහෙන්නේ "ක්න්නොනේ බොන්නොනේ" තමයි 😂😂

මේ දවස් වල නම් හුඟක් ඇහෙන්නේ "ක්න්නොනේ බොන්නොනේ" තමයි 😂😂

😂ඒකත් නරකම නෑ. හිනාවෙන් වහලා සැර Point ටිකකට තමයි ගහලා තියෙන්නේ.

Ravi Jay නිසා තමයි මටත් රැප් අහන්න හිතුනේ.

Ravi Jay ගේ මං කැමතිම දේ තමයි ව්‍යංගයෙන් තමයි කියන දේ කියන්නේ. ඒක අනිත් Rappers ලගෙ ටිකක් අඩු දෙයක්. ගොඩක් රැප් වල පොල්ලෙන් ගැහුවා වගේ කෙලින්ම කියලා දානවනේ.😂

රැප් විචාරයක් කිව්වගමන් සමහරවිට ඔයාලට හිනා යන්නත් ඇති. ඒ මොකද ඇත්තටම මේකෑගහලා කියන කුණුහරුප වල මොනවා විචාරයක් කරන්න ද කියලා ඔයාලත් කල්පනා කරන්න ඇති.

කොහෙත්ම නෑ.

I'm not a dieheart fan but I listen to raps. Sinhala, English and other languages. My brother is rap music fan @chathux. He is always listen to music soo loud and I was like what a nuisance sometimes😅😅.

He listens to sinhala raps a lot . Some of raps changed my mind.When I continually hears the same songs I fouced into it's meaning one was Drill team Deviyange Bare , Ahimi and this Galana Ganga. When I realized the meanings I thought "woww!! we have this much good writers and rappers in srilanka ! Unbelievable !"

But I know there are more good underrated rappers because of wrong stereotypes. Fortunately we have Spotify now. I think it's a good chance for them.

Btw you rapped well 😍

Drill team Deviyange Bare , Ahimi

These two raps are on my fav list as well. Ahimi has a very sensational story. Drill team and westnahira guys have done a marvelous job to this field.😍

Btw you rapped well

hee. Thank you 😍

Why did you forget Bonnona - DJ JNK, Shan Putha, Moniyo?? Isn't that your favorite rap song these days? 😁🙉

  ·  8 months ago (edited)

Hahaa it's a funny one though. I'm kinda Ravi Jay fan malli. 😁

That's my Akka's Favorite in these days. That’s why I mentioned it 🙉

Hahaaa lol😜🙈

කිසිම දවසක උවමනාවෙන් සවන් නොදුන් දෙයක්.. අපූරූ විග්‍රහයක්.

කිසිම දවසක උවමනාවෙන් සවන් නොදුන් දෙයක්

ඔව් ගොඩක් අය එහෙමයි.

අපූරූ විග්‍රහයක්.

ගොඩක් ස්තූතියි❤

සුපිරි මචන්. හොස්ටල් එකේදී ගිටාර් එක බදාගෙනම ඉන්න උබේ සංගීත රසය ගැන අපි හොදට දන්නවා. සුපිරි

  ·  8 months ago (edited)

සිංදු කිව්වට ඒව තේරුමක් දැනගෙන කියන්න ඕනේ කියලා තේරුම් ගත්තේ උඹල එක්ක තිබුණු ආශ්‍රය නිසා තමයි මචං. ❤මට තාමත් මතකයි ඉස්සර අපි සෙට් වෙලා සිංදු විචාරය කර කර කියපු හැටි. හැමදාමත් ඒ අතීතයට ආදරෙයි.🥰

Nice review and a superb performance buddy!! 🙌♥️

Thank you so much ! 🥰

ගලන ගඟ කියන්නේ මාත් ගොඩක් ආස කරන සිංඳුවක්... ඇත්තම කිව්වොත් රැප් සිංදු අහන්න පටන් ගත්තෙත් ඒ සිංදුව නිසා.... දෙයියන්ගේ බාරේ අනිත් එක... ඒ වගේම අයියගේ performance එකත් සුපිරියි 💪

ඇත්තම කිව්වොත් රැප් සිංදු අහන්න පටන් ගත්තෙත් ඒ සිංදුව නිසා....

අපේ සෙට් එකෙත් ගොඩක් අය ඒ වගෙයි. ගලන ගඟ අහල තමයි රැප් වලට ආස.

performance එකත් සුපිරියි 💪

Thank You Nangi❤

. මම ගොඩාක් කාලයක් මේ සිංදුව ඇහුවා එක දිගට. ඒක විශිෂ්ඨ රැප් එකක්. විශිෂ්ඨ ගීතයක්. ඒකෙ අදහස තමයි කාට හරි ඔලුවට දාගන්න පුලුවන් හොඳම දේ.
ලස්සනම ලස්සන වටින ලියවිල්ලක්.❤️

  ·  8 months ago (edited)

ඒකෙ අදහස තමයි කාට හරි ඔලුවට දාගන්න පුලුවන් හොඳම දේ.

අනිවාර්යයෙන්ම! ගොඩක් අය තේරුම් ගන්න උත්සාහ කරන්නෙත් නෑ, තේරුනත් ලේසියෙන් ගැලවෙන්නත් පුළුවන් කමකුත් නෑ. ඒ තරම් ඇලීම වැඩියි. ඒකට සසර පුරුද්දකුත් තියෙන්න ඕනේ.

ලස්සනම ලස්සන වටින ලියවිල්ලක්.❤️

❤️බොහොම ස්තුතියි.

මමත් රැප් වලට වැඩිය කැමති නෑ. ඒත් මේ රැප් එක නම් හරිම අර්ථාන්විතයි. රැප් කියන්නෙත් හරිම ලස්සන කලාවක්. ඒත් අපි ඒක දකින විදිය සහ අල්ල ගත්ත විදිය වැරැද්දක් තියෙනවා.

අල්ල ගත්ත විදිය වැරැද්දක් තියෙනවා

ඔව් ඒක ඇත්ත. අපේ අය කොහොමත් හැම දේකම නරක පැත්ත විතරයිනෙ අල්ල ගන්නේ.

Math Ravi Jay ge rap nm ahanawa..Galana ganga+rahath himiwarun, kuweni live in concert eke ekata thama mn godakma abbahi wela hitiye..daala thiyana video eketh lssnt sing krnw 😁

  ·  8 months ago (edited)

kuweni live in concert eke ekata thama mn godakma abbahi wela hitiye..

මාත් හරි ආසවෙන් හිටියේ 'Kuweni LIve in Consert" එක බලන්න යන්න. කොහෙද ඉතින් මේ කොරෝනා නිසා බැරි උනානෙ.

lssnt sing krnw

Thank You so much!

රැප් අහන්න මම පටන් ගත්තෙ මම 10 වසරෙ වගේ ඉද්දි. 2014 දි වගෙ.ඒ කාලෙ ඉතින් drill team තමයි ඇහුවෙ. කයිසර්ලගෙ උනත් හොද story එකක් තියෙන රැප් ආවෙ ඒ කාලෙ. රවි ජේ කියන්නෙ කොහොමත් පොඩි වෙලාවක් ඇතුලෙ deep meaning එකකින් ලොකූ කතාවක් කියනව.

කාලේ රැප් කියලා මේ තරුණ පරපුර අහන නිර්මාණ ගත්තම නම් ඒවායේ කිසිම හරයක් නෑ කියලා තමයි හිතෙන්නේ.

මේකටනම් මාත් එකගයි දැන් පදුරකට පයින් ගැහුවත් රැප් ආටිස්ල ඉන්නව. කියන්නෙ අහසෙ පාවෙන එකයි කෙල්ලොයි යලුවොයි වගේ පොඩි සීමාවක වචන මිසක් අපිට පස්සෙ පස්සෙ හිතල තේරුන් ගන්න පුලුවන් රැප් නෙවේ.සරල ගී වගෙ.

Ravi වගේම කෙනෙක් drill team එකේ minol.එයා එයාගෙ ජිවිතේ පවා කැප කරල තියෙනව රැප් වලට. Depression වෙනකන් එයා ගිහින් තීනව සමහර රැප් වලට ඕන කරනfeeling එක ගන්න. දැන් ඉන්න අය නම් එහෙම් නෑ. කොහොම උනත් මේ පෝස්ට් එක වටිනව. සුපිරියි.

පොඩි වෙලාවක් ඇතුලෙ deep meaning එකකින් ලොකූ කතාවක් කියනව.

මේක තමයි මං Ravi Jay ට කැමති වෙන්න ප්‍රධාන ම හේතුව.

ස්සෙ පස්සෙ හිතල තේරුන් ගන්න පුලුවන් රැප් නෙවේ.සරල ගී වගෙ.

හරියටම කියලා තියෙනවා මල්ලී. සැපේ ඉන්නේ,පදිරි නෑ, ලොකු සීන් එපා වගේ පොඩි වචන රාමුවකට කොටු වෙලා කිසිම ගැලපිල්ලක් නැති පුහු දේවල් තමා සමහරු කියන්නේ.

drill team එකේ minol.

අනිවාර්යෙන්ම. Drill Team කියන්නෙත් කොහොමත් මේ ජරාජීර්ණ වුණු කලාවට අලුත් පණක් දීපු සෙට් එකක්

Oyata sahena talent pramayanak thiyanwa neh 😲 math kemathi rap ekk eka🙈 ape malli thamai ahanna dunne

Thanku thanku.🥰

math kemathi rap ekk eka🙈

ඔව් ඒකෙ අනිත් ඒවගේ වගේ බොල් තේරුමක් නෙවේ තියෙන්නේ. කුණුහර්ප කියලා එකාට එකා බැන ගන්න ලපටි රැප් වගේ නෙවෙයි ඒක ලස්සනයි.🙈

මම හිතන විදියට රැප් එකක් කිව්වම ගොඩක් අය හිතන්නේ නිකම්ම නිකං කටට එන වචන ටිකක් එකතු කරලා නිකන් කියල දාන එක කියලා. ඒත් එහෙම නෑ .මේක දැක්කම ඒක හොඳට අවබෝධ වෙනවා .මේක ලස්සන article එකක්.මේ වගේ තවත් rap විචාරයක් ඉක්මනටම බලාපොරොත්තු වෙනවා.❤❤

නිකං කටට එන වචන ටිකක් එකතු කරලා නිකන් කියල දාන එක කියලා

ඔව්. ගොඩක් රැප් ඒ වගේ තමයි. ගිලීමලෙත් දත් සුද්දෝ ඉන්නවා වගේ මේ Rap field එකෙත් ඉන්නවා නියම අර්ථයක් තියෙන නිර්මාණ කරන අය.

තවත් rap විචාරයක් ඉක්මනටම බලාපොරොත්තු වෙනවා.

අනිවර්යයෙන්ම.❤ වෙලාවක් ලැබුණු ගමන් ම දාන්නම්

Loading...